ขึ้น/แรม ๑๕ ค่ำ

คิริมานนทสูตร

   เอวัมเม สุตัง ฯ, เอกัง สะมะยัง ภะคะวา, สาวัตถิยัง วิหะระติ, เชตะวะเน อะนาถะปิณฑิกัสสะ, อาราเม, เตนะ โข ปะนะ
สะมะเยนะ อายัส๎มา คิริมานันโท, อาพาธิโก โหติ ทุกขิโต พาฬ๎หะคิลาโน ฯ,
อะถะโข อายัส๎มา อานันโท, เยนะ ภะคะวา เตนุปะสังกะมิ ฯ, อุปะสังกะมิต๎วา ภะคะวันตัง อะภิวาเทต๎วา เอกะมันตัง นิสีทิ ฯ, เอกะมันตัง นิสินโน โข อายัส๎มา อานันโท ภะคะวันตัง เอตะทะโวจะ ฯ,

อายัส๎มา ภันเต คิริมานันโท, อาพาธิโก ทุกขิโต พาฬ๎หะคิลาโน, สาธุ ภันเต ภะคะวา, เยนายัส๎มา คิริมานันโท เตนุปะสังกะมะตุ อะนุกัมปัง อุปาทายาติ ฯ, สะเจ โข ต๎วัง อานันทะ, คิริมานันทัสสะ ภิกขุโน อุปะสังกะมิต๎วา ทะสะ สัญญา ภาเสยยาสิ ฯ, ฐานัง โข ปะเนตัง วิชชะติ, ยัง คิริมานันทัสสะ ภิกขุโน ทะสะ สัญญา สุต๎วา, โส อาพาโธ ฐานะโส ปะฏิปปัสสัมเภยยะ ฯ, กะตะมา ทะสะ ฯ, อะนิจจะสัญญา อะนัตตะสัญญา, อะสุภะสัญญา อาทีนะวะสัญญา, ปะหานะสัญญา วิราคะสัญญา, นิโรธะสัญญา สัพพะโลเก อะนะภิระตะสัญญา, สัพพะสังขาเรสุ อะนิจจะสัญญา อานาปานัสสะติ ฯ,

1. กะตะมา จานันทะ อะนิจจะสัญญา ฯ , อิธานันทะ ภิกขุ อะรัญญะคะโต วา รุกขะมูละคะโต วา สุญญาคาระคะโต วา, อิติ ปะฏิสัญจิกขะติ, รูปัง อะนิจจัง, เวทะนา อะนิจจา, สัญญา อะนิจจา, สังขารา อะนิจจา, วิญญาณัง อะนิจจันติ ฯ, อิติ อิเมสุ ปัญจะสุ อุปาทานักขันเธสุ, อะนิจจานุปัสสี วิหะระติ ฯ, อะยัง วุจจะตานันทะ อะนิจจะสัญญา ฯ

2. กะตะมา จานันทะ อะนัตตะสัญญา ฯ อิธานันทะ ภิกขุ
อะรัญญะคะโต วา รุกขะมูละคะโต วา สุญญาคาระคะโต วา อิติ ปะฏิสัญจิกขะติ

จักขุง อะนัตตา,  รูปัง อะนัตตา  (ในหนังสือสวดมนต์ฉบับหลวงเป็น รูปา อนัตตา)
โสตัง อะนัตตา, สัททา อะนัตตา
ฆานัง อะนัตตา, คันธา อะนัตตา
ชิวหา อะนัตตา, ระสา อะนัตตา
กาโย อะนัตตา, โผฏฐัพพา อะนัตตา
มะโน อะนัตตา, ธัมมา อะนัตตาติ ฯ

อิติ อิเมสุ ฉะสุ อัชฌัตติกะพาหิเรสุ อายะตะเนสุ อะนัตตานุปัสสี วิหะระติ ฯ
อะยัง วุจจะตานันทะ อะนัตตะสัญญา ฯ

3. กะตะมา จานันทะ อะสุภะสัญญา ฯ อิธานันทะ ภิกขุ
อิมะเมวะ กายัง อุทธัง ปาทะตะลา อะโธ เกสะมัตถะกา
ตะจะปะริยันตัง ปูรันนานัปปะการัสสะ อะสุจิโน ปัจจะเวกขะติ
อัตถิ อิมัส๎มิง กาเย เกสา โลมา นะขา ทันตา ตะโจ มังสัง น๎หารู
อัฏฐี อัฏฐิมิญชัง วักกัง หะทะยัง ยะกะนัง กิโลมะกัง ปิหะกัง
ปัปผาสัง อันตัง อันตะคุณัง อุทะริยัง กะรีสัง มัตถะลุงคัง ปิตตัง เสม๎หัง ปุพโพ
โลหิตัง เสโท เมโท อัสสุ วะสา เขโฬ สิงฆาณิกา ละสิกา
มุตตันติ ฯ อิติ อิมัส๎มิง กาเย อะสุภานุปัสสี วิหะระติ ฯ
อะยัง วุจจะตานันทะ อะสุภะสัญญา ฯ

4. กะตะมา จานันทะ อาทีนะวะสัญญา ฯ อิธานันทะ ภิกขุ
อะรัญญะคะโต วา รุกขะมูละคะโต วา สุญญาคาระคะโต วา อิติ
ปะฏิสัญจิกขะติ พะหุทุกโข โข อะยัง กาโย พะหุอาทีนะโวติ ฯ อิติ
อิมัส๎มิง กาเย วิวิธา อาพาธา อุปปัชชันติ ฯ เสยยะถีทัง ฯ

จักขุโรโค โสตะโรโค ฆานะโรโค ชิวหาโรโค กายะโรโค สีสะโรโค กัณณะโรโค
มุขะโรโค ทันตะโรโค กาโส สาโส ปินาโส ฑะโห ชะโร กุจฉิโรโค
มุจฉา ปักขันทิกา สุลา วิสูจิกา กุฏฐัง คัณโฑ กิลาโส โสโส
อะปะมาโร ทันทุ กัณฑุ กัจฉุ ระขะสา วิตัจฉิกา โลหิตัง ปิตตัง
มะธุเมโห อังสา ปิฬะกา ภะคัณฑะลา ฯ ปิตตะสะมุฏฐานา
อาพาธาเสม๎หะสะมุฏฐานา อาพาธา วาตะสะมุฏฐานา อาพาธา สันนิปาติกา
อาพาธา อุตุปะริณามะชา อาพาธา วิสะมะปะระหาระชา อาพาธาโอปักกะมิกา
อาพาธา กัมมะวิปากะชา อาพาธา สีตัง อุณ๎หัง ชิฆัจฉา ปิปาสา อุจจาโร ปัสสาโวติ ฯ
อิติ อิมัส๎มิง กาเย อาทีนะวานุปัสสี วิหะระติ ฯ อะยัง วุจจะตานันทะ อาทีนะวะสัญญา ฯ

5. กะตะมา จานันทะ ปะหานะสัญญา ฯ อิธานันทะ ภิกขุ
อุปปันนัง กามะวิตักกัง นาธิวาเสติ ปะชะหะติ วิโนเทติ พ๎ยันตีกะโรติ
อะนะภาวัง คะเมติ อุปปันนัง พ๎ยาปาทะวิตักกัง นาธิวาเสติ ปะชะหะติ
วิโนเทติ พ๎ยันตีกะโรติ อะนะภาวัง คะเมติ อุปปันนัง วิหิงสาวิตักกัง
นาธิวาเสติ ปะชะหะติ วิโนเทติ พ๎ยันตีกะโรติ อะนะภาวัง คะเมติ
อุปปันนุปปันเน ปาปะเก อะกุสะเล ธัมเม นาธิวาเสติ ปะชะหะติ
วิโนเทติ พ๎ยันตีกะโรติ อะนะภาวัง คะเมติ ฯ
อะยัง วุจจะตานันทะ ปะหานะสัญญา ฯ

6. กะตะมา จานันทะ วิราคะสัญญา ฯ อิธานันทะ ภิกขุ
อะรัญญะคะโต วา รุกขะมูละคะโต วา สุญญาคาระคะโต วา อิติ ปะฏิสัญจิกขะติ
เอตัง สันตัง เอตัง ปะณีตัง ยะทิทัง สัพพะสังขาระสะมะโถ
สัพพูปะธิปะฏินิสสัคโค ตัณหักขะโย วิราโค นิพพานันติ ฯ
อะยัง วุจจะตานันทะ วิราคะสัญญา ฯ

7. กะตะมา จานันทะ นิโรธะสัญญา ฯ อิธานันทะ ภิกขุ
อะรัญญะคะโต วา รุกขะมูละคะโต วา สุญญาคาระคะโต วา อิติ ปะฏิสัญจิกขะติ
เอตัง สันตัง เอตัง ปะณีตัง ยะทิทัง สัพพะสังขาระสะมะโถ
สัพพูปะธิปะฏินิสสัคโค ตัณหักขะโย นิโรโธ นิพพานันติ ฯ
อะยัง วุจจะตานันทะ นิโรธะสัญญา ฯ

8. กะตะมา จานันทะ สัพพะโลเก อะนะภิระตะสัญญา ฯ
อิธานันทะ ภิกขุ เย โลเก อุปายุปาทานา เจตะโส อะธิฏฐานาภินิเวสานุสะยา
เต ปะชะหันโต วิระมะติ นะ อุปาทิยันโต ฯ
อะยัง วุจจะตานันทะ สัพพะโลเก อะนะภิะระตะสัญญา ฯ

9. กะตะมา จานันทะ สัพพะสังขาเรสุ อะนิจจะสัญญา ฯ
อิธานันทะ ภิกขุ สัพพะสังขาเรหิ อัฏฏิยะติ หะรายะติ ชิคุจฉะติ ฯ
อะยัง วุจจะตานันทะ สัพพะสังขาเรสุ อะนิจจะสัญญา ฯ

10. กะตะมา จานันทะ อานาปานัสสติ ฯ อิธานันทะ ภิกขุ
อะรัญญะคะโต วา รุกขะมูละคะโต วา สุญญาคาระคะโต วา
นิสีทะติ ปัลลังกัง อาภุชิต๎วา อุชุง กายัง ปะณิธายะ ปะริมุขัง สะติง อุปัฏฐะเปต๎วา ฯ
โส สะโต วา อัสสะสะติ สะโต วา ปัสสะสะติ ฯ
ทีฆัง วา อัสสะสันโต ทีฆัง อัสสะสามีติ ปะชานาติ
ทีฆัง วา ปัสสะสันโต ทีฆัง ปัสสะสามีติ ปะชานาติ
รัสสัง วา อัสสะสันโต รัสสัง อัสสะสามีติ ปะชานาติ
รัสสัง วา ปัสสะสันโต รัสสัง ปัสสะสามีติ ปะชานาติ

สัพพะกายะปะฏิสังเวที อัสสะสิสสามีติ สิกขะติ
สัพพะกายะปะฏิสังเวที ปัสสะสิสสามีติ สิกขะติ
ปัสสัมภะยัง กายะสังขารัง อัสสะสิสสามีติ สิกขะติ
ปัสสัมภะยัง กายะสังขารัง ปัสสะสิสสามีติ สิกขะติ
ปีติปะฏิสังเวที อัสสะสิสสามีติ สิกขะติ
ปีติปะฏิสังเวที ปัสสะสิสสามีติ สิกขะติ
สุขะปะฏิสังเวที อัสสะสิสสามีติ สิกขะติ
สุขะปะฏิสังเวที ปัสสะสิสสามีติ สิกขะติ

จิตตะสังขาระปะฏิสังเวที อัสสะสิสสามีติ สิกขะติ
จิตตะสังขาระปะฏิสังเวที ปัสสะสิสสามีติ สิกขะติ
ปัสสัมภะยัง จิตตะสังขารัง อัสสะสิสสามีติ สิกขะติ
ปัสสัมภะยัง จิตตะสังขารัง ปัสสะสิสสามีติ สิกขะติ
จิตตะปะฏิสังเวที อัสสะสิสสามีติ สิกขะติ
จิตตะปะฏิสังเวที ปัสสะสิสสามีติ สิกขะติ
อะภิปปะโมทะยัง จิตตัง อัสสะสิสสามีติ สิกขะติ
อะภิปปะโมทะยัง จิตตัง ปัสสะสิสสามีติ สิกขะติ

สะมาทะหัง จิตตัง อัสสะสิสสามีติ สิกขะติ
สะมาทะหัง จิตตัง ปัสสะสิสสามีติ สิกขะติ
วิโมจะยัง จิตตัง อัสสะสิสสามีติ สิกขะติ
วิโมจะยัง จิตตัง ปัสสะสิสสามีติ สิกขะติ
อะนิจจานุปัสสี อัสสะสิสสามีติ สิกขะติ
อะนิจจานุปัสสี ปัสสะสิสสามีติ สิกขะติ
วิราคานุปัสสี อัสสะสิสสามีติ สิกขะติ
วิราคานุปัสสี ปัสสะสิสสามีติ สิกขะติ

นิโรธานุปัสสี อัสสะสิสสามีติ สิกขะติ
นิโรธานุปัสสี ปัสสะสิสสามีติ สิกขะติ
ปะฏินิสสัคคานุปัสสี อัสสะสิสสามีติ สิกขะติ
ปะฏินิสสัคคานุปัสสี ปัสสะสิสสามีติ สิกขะติ

อะยัง วุจจะตานันทะ อานาปานัสสะติ ฯ
สะเจ โข ต๎วัง อานันทะ คิริมานันทัสสะ ภิกขุโน
อุปะสังกะมิต๎วา อิมา ทะสะ สัญญา ภาเสยยาสิ ฐานัง โข ปะเนตัง
วิชชะติ ยัง คิริมานันทัสสะ ภิกขุโน อิมา ทะสะ สัญญา สุต๎วา
โส อาพาโธ ฐานะโส ปะฏิปปัสสัมเภยยาติ ฯ

อะถะโข อายัส๎มา อานันโท ภะคะวะโต สันติเก อิมา ทะสะ
สัญญา อุคคะเหต๎วา เยนายัส๎มา คิริมานันโท เตนุปะสังกะมิ
อุปะสังกะมิต๎วา อายัส๎มะโต คิริมานันทัสสะ อิมา ทะสะ สัญญา อะภาสิ ฯ

อะถะโข อายัส๎มะโต คิริมานันทัสสะ อิมา ทะสะ สัญญา สุต๎วา
โส อาพาโธ ฐานะโส ปะฏิปัสสัมภิ ฯ วุฏฐะหิ จายัส๎มา
คิริมานันโท ตัมหา อาพาธา ตะถาปะหีโน จะ ปะนายัส๎มะโต
คิริมานันทัสสะ โส อาพาโธ อะโหสีติ ฯ

ขึ้น/แรม ๑๔ ค่ำ

 ภิกขุอะปะริหานิยะธัมมะสุตตัง

เอวัมเม  สุตัง.  เอกัง  สะมะยัง ภะคะวา,  ราชะคะเห  วิหะระติ, คิชฌะกูเฎ  ปัพพะเต,  ตัตตระ โข  ภะคะวา  ภิกขู อามันเตสิ.  สัตตะ โว ภิกขะเว  อะปะริหาริเย  ธัมเม  เทเสสสามิ,  ตัง  สุณาถะ  สาธุกัง  มะนะสิกะโรถะ  ภาสิสสามีติ.  เอวัมภันเตติ  โข เต ภิกขู  ภะคะวะโต  ปัจจัสโสสุง.  ภะคะวา  เอตะทะโวจะ. กะตะเม  จะ ภิกูขะเว  สัตตะ อะปะริหานิยา  ธัมมา.

          ๑. ยาวะกีวัญจะ ภิกขะเว  ภิกขู,อะภิณหะสันนิปาตา  ภะวิสสันติ  สันนิปาตะพะหุลา,  วุฑฒิเยวะ  ภิกขะเว   ภิกขูนัง  ปาฏิกังขา  โน  ปะริหานิ.

          ๒. ยาวะกีวัญจะ  ภิกขะเว  ภิกขู , สะมัคคา  สันนิปะติสสันติ , สะมัคคา  วุฏฐะหิสสันติ,  ภิกขูนัง  ปาฏิกังขา โน  ปะริหานิ.

          ๓. ยาวะกีวัญจะ  ภิกขะเว  ภิกขู , อะปัญญัตตัง  นะ  ปัญญะเปสสันติ ,  ปัญญัตตัง นะ สะมุจฉินทิสสันติ, ยะถาปัญญัตเตสุ  สิกขาปะเทสุ  สะมาทายะ  วัตติสสันติ, วุฑฒิเยวะ  ภิกขะเว  ภิกขูนัง  ปาฏิกังขา โน  ปะริหานิ.

          ๔. ยาวะกีวัญจะ  ภิกขะเว  ภิกขู, เย เต ภิกขู  เถรา  รัตตัญญู  จิระปัพพะชิตา,  สังฆะปิตะโร  สังฆะปะริณายะกา,  เต สักกะริสสันติ  คะรุกะริสสันติ  มาเนสสันติ  ปูเชสสันติ,  เตสัญจะ  โส ตัพพัง  มัญญิสสันติ,  วุฑฒิเยวะ  ภิกขะเว  ภิกขูนัง  ปาฏิกังขา  โน  ปะริหานิ.

          ๕. ยาวะกีวัญจะ  ภิกขะเว  ภิกขู,  อุปปันนายะ  ตัณหายะ  โปโนพภะวิกายะ  โน  วะสัง  คัจฉินสันติ , วุฑฒิเยวะ  ภิกขะเว  ภิภขูนัง  ปาฏิกังขา  โน  ปะริหานิ.

          ๖. ยาวะกีวัญจะ  ภิกขะเว  ภิกขู, อารัญญะเกสุ  เสนาสะเนสุ  สาเปกขา  ภะวิสสันติ,วุฑฒิเยวะ  ภิกขะเว  ภิกขูนัง  ปาฏิกังขา  โน  ปะริหานิ.

           ๗. ยาวะกีวัญจะ ภิกขะเว ภิกขู , ปัจจัตตัญเญวะ  สะติงอุปัฏฐะเปสสันติ , กินติ  อะนาคะตา จะ เปสะลา  สะพรัหมะจารี  อาคัจเฉยยุง, อาคะตา  จะ  เปสะลา  สะพรัหมะจารี  ผาสุงวิหะเรยยุนติ ,วุฑฒิเยวะ  ภิกขะเว  ภิกขูนัง  ปาฏิกังขา โน ปะริหานิ.

           ยาวะกีวัญจะ  ภิกขะเว  อิเม  สัตตะ  อะปะริหานิยา  ธัมมา  ภิกขูสุ  ฐัสสันติ,  อิเมสุ  จะ สัตตะสุ  อะปะริหานิเยสุ  ธัมเมสุ ภิกขู  สันทิสสิสสันติ, วุฑฒิเยวะ  ภิกขะเว  ภิกขูนัง  ปาฏิกังขา โน ปะริหานีติ.  อิทะมะโวจะ  ภะคะวา.  อัตตะมะนา  เต  ภิกขู ภะคะวะโต  ภาสิตัง  อะภินันทุนติ.


มัคคะวิภังคะสุตตัง
..........เอวัมเม สุตัง เอกัง สะมะยัง ภะคะวา สาวัตถิยัง วิหะระติ
เชตะวะเน อะนาถะปิณฑิกัสสะ อาราเม ตัตระ โข ภะคะวา ภิกขู
อามันเตสิ ภิกขะโวติ. ภะทันเตติ เต ภิกขู ภะคะวะโต ปัจจัสโสสุง
ภะคะวา เอตะทะโวจะ อะริยัง โว ภิกขะเว อัฏฐังคิกัง มัคคัง เทสิสสามิ
วิภะชิสสามิ ตัง สุณาถะ สาธุกัง มะนะสิกะโรถะ ภาสิสสามีติ. เอวัม-
ภันเตติ โข เต ภิกขู ภะคะวะโต ปัจจัสโสสุง. ภะคะวา เอตะทะโวจะ.
..........กะตะโม จะ ภิกขะเว อะริโย อัฏฐิงคิโก มัคโค เสยยะถีทัง สัมมาทิฏฐิ
สัมมาสังกัปโป สัมมาวาจา สัมมากัมมันโต สัมมาอาชีโว สัมมาวายาโม
สัมมาสะติ สัมมาสะมาธิ.
..........กะตะมา จะ ภิกขะเว สัมมาทิฏฐิ ยัง โข ภิกขะเว ทุกเข ญาณัง
ทุกขะสะมุทะเย ญาณัง ทุกขะนิโรเธ ญาณัง ทุกขะนิโรธะคามินิยา
ปะฏิปะทายะ ญาณัง อะยัง วุจจะติ ภิกขะเว สัมมาทิฏฐิ.
กะตะโม จะ ภิกขะเว สัมมาสังกัปโป โย โข ภิกขะเว เนกขัมมะ-
สังกัปโป อัพยาปาทะสังกัปโป อะวิหิงสาสังกัปโป. อะยัง วุจจะติ
ภิกขะเว สัมมาสังกัปโป.
..........กะตะมา จะ ภิกขะเว สัมมาวาจา ยา โข ภิกขะเว มุสาวาทา
เวระมะณี ปิสุณายะ วาจายะ เวระมะณี ผะรุสายะ วาจายะ เวระมะณี
สัมผัปปะลาปา เวระมะณี. อะยัง วุจจะติ ภิกขะเว สัมมาวาจา.
..........กะตะโม จะ ภิกขะเว สัมมากัมมันโต. ยา โข ภิกขะเว
ปาณาติปาตา เวระมะณี อะทินนาทานา เวระมะณี อะพรัหมะจะริยา
เวระมะณี อะยัง วุจจะติ ภิกขะเว สัมมากัมมันโต.
..........กะตะโม จะ ภิกขะเว สัมมาอาชีโว. อิธะ ภิกขะเว อะริยะ-
สาวะโก มิจฉาอาชีวัง ปะหายะ สัมมาอาชีเวนะ ชีวิกัง กัปเปติ
อะยัง วุจจะติ ภิกขะเว สัมมาอาชีโว.
..........กะตะโม จะ ภิกขะเว สัมมาวายาโม อิธะ ภิกขะเว ภิกขุ
อะนุปปันนานัง ปาปะกานัง อะกุสะลานัง ธัมมานัง อะนุปปาทายะ
ฉันทัง ชะเนติ วายะมะติ วิริยัง อาระภะติ จิตตัง ปัคคัณหาติ
ปะทะหะติ. อุปปันนานัง ปาปะกานัง อะกุสะลานัง ธัมมานัง
ปะหานายะ ฉันทัง ชะเนติ วายะมะติ วิริยัง อาระภะติ จิตตัง
ปัคคัณหาติ ปะทะหะติ อะนุปปันนานัง กุสะลานัง ธัมมานัง
อุปปาทายะ ฉันทัง ชะเนติ วายะมะติ วิริยัง อาระภะติ จิตตัง
ปัคคัณหาติ ปะทะหะติ. อุปปันนานัง กุสะลานัง ธัมมานัง ฐิติยา
อะสัมโมสายะ ภิยโยภาวายะ เวปุลลายะ ภาวะนายะ ปาริปูริยา
ฉันทัง ชะเนติ วายะมะติ วิริยัง อาระภะติ จิตตัง ปัคคัณหาติ
ปะทะหะติ. อะยัง วุจจะติ ภิกขะเว สัมมาวายาโม.
..........กะตะมา จะ ภิกขะเว สัมมาสะติ. อิธะ ภิกขะเว ภิกขุ
กาเย กายานุปัสสี วิหะระติ อาตาปี สัมปะชาโน สะติมา วิเนยยะ
โลเก อะภิชฌาโทมะนัสสัง เวทะนาสุ เวทะนานุปัสสี วิหะระติ
อาตาปี สัมปะชาโน สะติมา วิเนยยะ โลเก อะภิชฌาโทมะนัสสัง
จิตเต จิตตานุปัสสี วิหะระติ อาตาปี สัมปะชาโน สะติมา วิเนยยะ
โลเก อะภิชฌาโทมะนัสสัง. ธัมเมสุ ธัมมานุปัสสี วิหะระติ อาตาปี
สัมปะชาโน สะติมา วิเนยยะ โลเก อะภิชฌาโทมะนัสสัง, อะยัง
วุจจะติ ภิกขะเว สัมมาสะติ.
..........กะตะโม จะ ภิกขะเว สัมมาสะมาธิ อิธะ ภิกขะเว ภิกขุ
วิวิจเจวะ กาเมหิ วิวิจจะ อะกุสะเลหิ ธัมเมหิ สะวิตักกัง สะวิจารัง
วิเวกะชัมปีติสุขัง ปะฐะมัง ฌานัง อุปะสัมปัชชะ วิหะระติ
วิตักกะวิจารานัง วูปะสะมา อัชฌัตตัง สัมปะสาทะนัง เจตะโส
เอโกทิภาวัง อะวิตักกัง อะวิจารัง สะมาธิชัมปีติสุขัง ทุติยัง ฌานัง
อุปะสัมปัชชะ วิหะระติ ปีติยา จะ วิราคา อุเปกขะโก จะ วิหะระติ
สะโต จะ สัมปะชาโน สุขัญจะ กาเยนะ ปะฏิสังเวเทติ ยันตัง
อะริยา อาจิกขันติ อุเปกขะโก สะติมา สุขะวิหารีติ ตะติยัง ฌานัง
อุปสัมปัชชะ วิหะรติ สุขัสสะ จะ ปะหานา ทุกขัสสะ จะ ปะหานา
ปุพเพ วะ โสมะนัสสะโทมะนัสสานัง อัตถังคะมา อะทุกขะมะสุขัง
อุเปกขาสะติปาริสุทธิง จะตุตถัง ฌานัง อุปะสัมปัชชะ วิหะระติ
อะยัง วุจจะติ ภิกขะเว สัมมาสะมาธีติ. อิทะมะโวจะ ภะคะวา
อัตตะมะนา เต ภิกขู ภะคะวะโต ภาสิตัง อะภินันทุนติ.

ขึ้น/แรม ๑๓ ค่ำ

โอวาทะปาฏิโมกขาทิปาโฐ
............อุททิฏฐัง โข เตนะ ภะคะวะตา ชานะตา ปัสสะตา
อะระหะตา สัมมาสัมพุทเธนะ โอวาทะปาฏิโมกขัง ตีหิ คาถาหิ
......................ขันตี ปะระมัง ตะโป ตีติกขา
......................นิพพานัง ปะระนัง วะทันติ พุทธา
......................นะ หิ ปัพพะชิโต ปะรูปะฆาตี
......................สะมะโณ โหติ ปะรัง วิเหฐะยันโต
......................สัพพะปาปัสสะ อะกะระณัง กุสะลัสสูปะสัมปะทา
......................สะจิตตะปะริโยทะปะนัง เอตัง พุทธานะ สาสะนัง
......................อะนูปะวาโท อะนูปะฆาโต ปาฏิโมกเข จะ สังวะโร
......................มัตตัญญตา จะ ภัตตัสมิง ปันตัญจะ สะยะนาสะนัง
......................อะธิจิตเต จะ อาโยโค เอตัง พุทธานะ สาสะนันติ
......................อะเนกะปะริยเยนะ โข ปะนะ เตนะ ภะคะวะตา ชานะตา
ปัสสะตา อะระหะตา สัมมาสัมพุทเธนะ สีลัง สัมมะทักขาตัง
สะมาธิ สัมมะทักขาโต ปัญญา สัมมะทักขาตา


............กะถัญจะ สีลัง สัมมะทักขาตัง ภะคะวะตา. เหฏฐิเมนะปิ
ปะริยาเยนะ สีลัง สัมมะทักขาตัง ภะคะวะตา. อุปะริเมนะปิ
ปะริยาเยนะ สีลัง สัมมะทักขาตัง ภะคะวะตา. กะถัญจะ เหฏฐิเมนะ
ปะริยาเยนะ สีลัง สัมมะทักขาตัง ภะคะวะตา อิธะ อะริยะสาวะโก
ปาณาติปาตา ปะฏิวิระโต โหติ อะทินนาทานา ปะฏิวิระโต โหติ
กาเมสุ มิจฉาจารา ปะฏิวิระโต โหติ มุสาวาทา ปะฏิวิระโต โหติ
สุราเมระยะมัชชัปปะมาทัฏฐานา ปะฏิวิระโต โหตีติ. เอวัง โข
เหฏฐิเมนะ ปะริยาเยนะ สีลัง สัมมะทักขาตัง ภะคะตา กะถัญจะ
อุปะริเมนะ ปะริยาเยนะ สีลัง สัมมะทักขาตัง ภะคะวะตา. อิธะ
ภิกขุ สีละวา โหติ ปาฏิโมกขะสังวะระสังวุโต วิหะระติ
อาจาระโคจะระสัมปันโน อะณุมัตเตสุ วัชเชสุ ภะยะทัสสาวี
สะมาทายะ สิกขะติ สิกขาปะเทสูติ เอวัง โข อุปะริเมนะ
ปะริยาเยนะ สีลัง สัมะทักขาตัง ภะคะวะตา.


............กะถัญจะ สะมาธิ สัมมะทักขาโต ภะคะวะตา. เหฏฐิเมนะปิ
ปะริยาเยนะ สมาธิ สัมมะทักขาโต ภะคะวะตา. อุปะริเมนะปิ
ปะริยาเยนะ สะมาธิ สัมมะทักขาโต ภะคะวะตา. กะถัญจะ
เหฏฐิเมนะ ปะริยาเยนะ สะมาธิ สัมมะทักขาโต ภะคะวะตา. อิธะ
อะริยะสาวะโก โวสสัคคารัมมะณัง กะริตวา ละภะติ สะมาธิง
ละภะติ จิตตัสเสกัคคะตันติ. เอวัง โข เหฏฐิเมนะ ปะริยาเยนะ
สะมาธิ สัมมะทักขาโต ภะคะวะตา. กะถัญจะ อุปะริเมนะ
ปะริยาเยนะ สะมาธิ สัมมะทักขาโต ภะคะวะตา. อิธะ ภิกขุ
วิวิจเจวะ กาเมหิ วิวิจจะ อะกุสะเลหิ ธัมเมหิ สะวิตักกัง สะวิจารัง
วิเวกะชัมปีติสุขัง ปะฐะมัง ฌานัง อุปะสัมปัชชะ วิหะระติ วิตักกะ-
วิจารานัง วูปะสะมา อัชฌัตตัง สัมปะสาทะนัง เจตะโส เอโกทิภาวัง
อะวิตักกัง อะวิจารัง สะมาธิชัมปีติสุขัง ทุติยัง ฌานัง อุปะสัมปัชชะ
วิหะระติ ปีติยา จะ วิราคา อุเปกขะโก จะ วิหะระติ สะโต จะ
สัมปะชาโน สุขัญจะ กาเยนะ ปะฏิสังเวเทติ ยันตัง อะริยา
อาจิกขันติ อุเปกขะโก สะติมา สุขะวิหารีติ ตะติยัง ฌานัง
อุปะสัมปัชชะ วิหะระติ. สุขัสสะ จะ ปะหานา ทุกขัสสะ จะ
ปะหานา ปุพเพ วะ โสมะนัสสะโทมะนัสสานัง อัตถังคะมา
อะทุกขะมะสุขัง อุเปกขาสะติปาริสุทธิง จะตุตถัง ฌานัง อุปะสัมปัชชะ
วิหะระตีติ. เอวัง โข อุปะริะเมนะ ปะริยาเยนะ สะมาธิ สัมมะทักขาโต
ภะคะวะตา.


............กะถัญจะ ปัญญา สัมมะทักขาตา ภะคะวะตา. เหฏฐิเมนะปิ
ปะริยาเยนะ ปัญญา สัมมะทักขาตา ภะคะวะตา. อุปะริเมนะปิ
ปะริยาเยนะ ปัญญา สัมมะทักขาตา ภะคะวะตา. กะถัญจะ
เหฏฐิเมนะ ปะริยาเยนะ ปัญญา สัมมะทักขาตา ภะคะวะตา. อิธะ
อะริยะสาวะโก ปัญญะวา โหติ อุทะยัตถะคามินิยา ปัญญายะ
สะมันนาคะโค อะริยายะ นิพเพธิกายะ สัมมา ทุกขักขะยะคามินิยาติ.
เอวัง โข เหฏฐิเมนะ ปะริยาเยนะ ปัญญา สัมมะทักขาตา
ภะคะวะตา. กะถัญจะ อุปะริเมนะ ปะริยาเยนะ ปัญญา สัมมะทักขาตา
ภะคะวะตา. อิธะ ภิกขุ อิทัง ทุกขันติ ยะถาภูตัง ปะชานาติ. อะยัง
ทุกขะสะมุทะโยติ ยะถาภูตัง ปะชานาติ. อะยัง ทุกขะนิโรโธติ
ยะถาภูตัง ปะชานาติ. อะยัง ทุกขะนิโรธะคามินี ปะฏิปะทาติ
ยะถาภูตัง ปะชานาติ. เอวัง โข อุปะริเมนะ ปะริยาเยนะ ปัญญา
สัมมะทักขาตา ภะคะวะตา.


............สีละปะริภาวิโต สะมาธิ มะหัปผะโล โหติ มะหานิสังโส
สะมาธิปะริภาวิตา ปัญญา มะหัปผะลา โหติ มะหานิสังสา
ปัญญาปะริภาวิตัง จิตตัง สัมมะเทวะ อาสะเวหิ วิมุจจะติ. เสยยะถีทัง.
กามาสะวา ภะวาสะวา อะวิชชาสะวา. ภาสิตา โข ปะนะ ภะคะวะตา
ปะรินิพพานะสะมะเย อะยัง ปัจฉิมะวาจา หันทะทานิ ภิกขะเว
อามันตะยามิ โว วะยะธัมมา สังขารา อัปปะมาเทนะ
สัมปาเทถาติ. ภาสิตัญจิทัง ภะคะวะตา เสยยะถาปิ ภิกขะเว
ยานิ กานิจิ ชังคะลานัง ปาณานัง ปะทะชาตานิ สัพพานิ ตานิ
หัตถิปะเท สะโมธานัง คัจฉันติ หัตถิปะทัง เตสัง อัคคะมักขายะติ
ยะทิทัง มะหันตัตเตนะ. เอวะเมวะ โข ภิกขะเว เย เกจิ กุสะลา
ธัมมา สัพเพ เต อัปปะมาทะมูละกา อัปปะมาทะสะโมสะระณา
อัปปะมาโท เตสัง อัคคะมัคขายะตีติ. ตัสมาติหัมเหหิ สิกขิตัพพัง
ติพพาเปกขา ภะวิสสามะ อะธิสีละสิกขาสะมาทาเน อะธิจิตตะสิก-
ขาสะมาทาเน อะธิปัญญาสิกขาสะมาทาน อัปปะมาเทนะ สัมปาเทส-
สามาติ. เอวัญหิ โน สิกขิตัพพัง

ขี้น/แรม ๑๒ ค่ำ

พระวินัย

..........ยันเตนะ ภะคะวะตา ชานะตา ปั สสะตา อะระหะตา
สั มมาสั มพุทเธนะ ปะฐะมัง ปาราชิกัง กัตถะ ปัญญัตตั นติ ฯ
เวสาลิยัง ปัญญัตตันติ ฯ กัง อารัพภาติ ฯ สุทินนัง กะลันทะปุตตัง
อารัพภาติ ฯ กัส๎มิ ง วัตถุ ส๎ มินติ ฯ สุทินโน กะลันทะปุตโต
ปุราณะทุติยิกายะ เมถุนัง ธัมมัง ปะฏิเสวิ ตัส๎มิง วัตถุส๎มินติ ฯ
..........เตนะ สะมะเยนะ พุ ทโธ ภะคะวา เวรัญชายัง วิ หะระติ นะ
เฬรุปุ จิมั นทะมู เล มะหะตา ภิ กขุ สังเฆนะ สัทธิ ง ปัญจะมัตเตหิ
ภิกขุสะเตหิ ฯ
..........อัสโสสิ โข เวรัญโช พราหมะโณ สะมะโณ ขะลุ โภ โคตะโม
สั ก๎ยะปุตโต สั ก๎ยะกุลา ปัพพะชิโต เวรัญชายัง วิ หะระติ นะ
เฬรุปุ จิมั นทะมู เล มะหะตา ภิ กขุ สังเฆนะ สัทธิ ง ปัญจะมัตเตหิ
ภิกขุสะเตหิ
..........ตังโข ปะนะ ภะวันตัง โคตะมัง เอวัง กัล๎ยาโณ กิตติ สัทโท
อัพภุคคะโต อิติ ปิโส ภะคะวา อะระหัง สัมมาสั มพุ ทโธ
วิ ชชาจะระณะสั มปันโน สุคะโต โลกะวิทู อะนุ ตตะโร
ปุริสะทัมมะสาระถิ สัตถา เทวะมะนุสสานัง พุทโธ ภะคะวาติ ฯ
..........โส อิมัง โลกัง สะเทวะกั ง สะมาระกัง สะพรั หมะกั ง
สั สสะมะณะพราหมะณิ ง ปะชัง สะเทวะมะนุ สสั ง สะยั ง
อะภิญญา สัจฉิกัต๎วา ปะเวเทติ โส ธัมมั ง เทเสติ อาทิกัล๎ยาณัง
มัชเฌกัล๎ ยาณัง ปะริโยสานะกัล๎ ยาณัง สาตถัง สะพยัญชะนั ง
เกวะละปะริปุณณัง ปะริสุทธัง พรัหมะจะริยัง ปะกาเสติ ฯ
..........สาธุ โข ปะนะ ตะถารูปานัง อะระหะตัง ทัสสะนัง โหตีติ ฯ

พระสูตร (สวดแจง)


..........เอวัมเม สุ ตัง ฯ เอกัง สะมะยัง ภะคะวา อันตะรา จะ
ราชะคะหัง อันตะรา จะ นาลันทัง อัทธานะมัคคะปะฏิปันโน โหติ
มะหะตา ภิกขุสังเฆนะ สัทธิ ง ปัญจะมัตเตหิ ภิกขุสะเตหิ ฯ
สุปปิโยปิ โข ปะริพพาชะโก อันตะรา จะ ราชะคะหัง อันตะรา จะ
นาลันทัง อัทธานะมัคคะปะฏิปันโน โหติ สัทธิง อันเตวาสินา
พรัหมะทัตเตนะ มาณะเวนะ ฯ ตัต๎ระ สุทัง สุปปิโย ปะริพพาชะโก
อะเนกะปะริยาเยนะ พุทธัสสะ อะวัณณัง ภาสะติ ธัมมัสสะ
อะวัณณั ง ภาสะติ สังฆั สะ อะวัณณั ง ภาสะติ ฯ สุปปิยัสสะ
ปะนะ ปะริพพาชะกัสสะ อันเตวาสี พรั หมะทั ตโต มาณะโว
อะเนกะปะริยาเยนะ พุทธัสสะ วัณณัง ภาสะติ ธัมมัสสะ วัณณัง
ภาสะติ สั งฆั สสะ วั ณณัง ภาสะติ ฯ อิติ หะ เต อุ โภ
อาจะริยันเตวาสี อั ญญะมัญญัสสะ อุชุวิปั จจะนิ กะวาทา
ภะคะวันตัง ปิฏฐิโต ปิฏฐิโต อะนุพันธา โหนติ ภิกขุสังฆัญจะ ฯ

พระสังคิณี

กุสะลา ธัมมา อะกุสะลา ธัมมา อัพยากะตา ธัมมา ฯ กะตะเม ธัมมา กุสะลา ฯ ยัสมิง สะมะเย กามาวะจะรัง กุสะลัง จิตตัง อุปปันนัง โหติ โสมะนัสสะสะหะคะตัง ญาณะสัมปะยุตตัง รูปารัมมะณัง วา สัททารัมมะณัง วา คันธารัมมะณัง วา ระสารัมมะณัง วา โผฏฐัพพารัมมะณัง วา ธัมมารัมมะณัง วา ยัง ยัง วา ปะนารัพภะ ตัสมิง สะมะเย ผัสโส โหติ อะวิกเขโป โหติ เย วา ปะนะ ตัสมิง สะมะเย อัญเญปิ อัตถิ ปะฏิจจะสะมุปปันนา อะรูปิโน ธัมมา อิเม ธัมมา กุสะลา ฯ

พระวิภังค์

ปัญจักขันธา รูปักขันโธ เวทะนากขันโธ สัญญากขันโธ สังขารักขันโธ วิญญาณักขันโธฯ ตัตถะ กะตะโม รูปักขันโธ ฯ ยังกิญจิ รูปัง อะตีตานาคะตะปัจจุปปันนัง อัชฌัตตัง วา พะหิทธา วา โอฬาริกัง วา สุขุมัง วา หีนัง วา ปะณีตัง วา ยัง ทูเร วา สันติเก วา ตะเทกัชฌัง อะภิสัญญูหิตวา อะภิสังขิปิตวา อะยัง วุจจะติ รูปักขันโธฯ

พระธาตุกะถา

สังคะโห อะสังคะโหฯ สังคะหิเตนะ อะสังคะหิตัง อะสังคะหิเตนะ สังคะหิตัง สังคะหิเตนะ สังคะหิตัง อะสังคะหิเตนะ อะสังคะหิตัง ฯ สัมปะโยโค วิปปะโยโค ฯ สัมปะยุตเตนะ วิปปะยุตตัง วิปปะยุตเตนะ สัมปะยุตตัง อะสังคะหิตัง ฯ

พระปุคคะละปัญญัตติ

ฉะ ปัญญัตติโย ขันธะปัญญัตติ อายะตะนะปัญญัตติ ธาตุปัญญัตติ สัจจะปัญญัตติ อินทริยะปัญญัตติ ปุคคะละปัญญัตติ ฯ กิตตาวะตา ปุคคะลานัง ปุคคะละปัญญัตติ ฯ สะมะยะวิมุตโต อะสะมะยะวิมุตโต กุปปะธัมโม อะกุปปะธัมโม ปะริหานะธัมโม อะปะริหานะธัมโม เจตะนาภัพโพ อะนุรักขะนาภัพโพ ปุถุชชะโน โคตระภู ภะยูปะระโต อะภะยูปะระโต ภัพพาคะมะโน อะภัพพาคะมะโน นิยะโต อะนิยะโต ปะฏิปันนะโก ผะเลฏฐิโต อะระหาอะระหัตตายะ ปะฏิปันโน ฯ

พระกะถาวัตถุ

ปุคคะโล อุปะลัพภะติ สัจฉิกัตถะปะระมัตเถนาติ อามันตาฯ โย สัจฉิกัตโถ ปะระมัตโถ ตะโต โส ปุคคะโล อุปะลัพภะติ สัจฉิกัตถะปะระมัตเถนาติ ฯ นะ เหวัง วัตตัพเพ ฯ อาชานาหิ นิคคะหัง หัญจิ ปุคคะโล อุปะลัพภะติ สัจฉิกัตถะปะระมัตเถนะ เตนะ วะ ตะ เร วัตตัพเพ โย สัจฉิกัตโถ ปะระมัตโถ ตะโต โส ปุคคะโล อุปะลัพภะติ สัจฉิกัตถะปะระมัตเถนาติ ฯ มิจฉา ฯ

พระยะมะกะ

เย เกจิ กุสะลา ธัมมา สัพเพ เต กุสะละมูลา ฯ เย วา ปะนะ กุสะละมูลา สัพเพ เต ธัมมา กุสะลา ฯ เย เกจิ กุสะลา ธัมมา สัพเพ เต กุสะละมูเลนะ เอกะมูลา ฯ เย วา ปะนะ กุสะละมูเลนะ เอกะมูลา สัพเพ เต ธัมมา กุสะลา ฯ

พระมะหาปัฏฐาน

เหตุปัจจะโย อารัมมะณะปัจจะโย อะธิปะติปัจจะโย อะนันตะระปัจจะโย สะมะนันตะระปัจจะโย สะหะชาตะปัจจะโย อัญญะมัญญะปัจจะโย นิสสะยะปัจจะโย อุปะนิสสะยะปัจจะโย ปุเรชาตะปัจจะโย ปัจฉาชาตะปัจจะโย อาเสวะนะปัจจะโย กัมมะปัจจะโย วิปากะปัจจะโย อาหาระปัจจะโย อินทริยะปัจจะโย ฌานะปัจจะโย มัคคะปัจจะโย สัมปะยุตตะปัจจะโย วิปปะยุตตะปัจจะโย อัตถิปัจจะโย นัตถิปัจจะโย วิคะตะปัจจะโย อะวิคะตะปัจจะโย ฯ

        อัคคัปปะสาทะสุตตะคาถา

 อัคคะโต  เว  ปะสันนานัง              อัคคัง  ธัมมัง  วิชานะตัง
  อัคเค  พุทเธ  ปะสันนานัง                       ทักขิเณยเย  อะนุตตะเร
 อัคเค  ธัมเม  ปะสันนานัง                        วิราคูปะสะเม  สุเข
 อัคเค  สังเฆ  ปะสันนานัง                        ปุญญักเขตเต  อะนุตตะเร
 อัคคัสมิง  ทานัง ทะทะตัง                       อัคคัง  ปุญญัง  ปะวัฑฒะติ
อัคคัง  อายุ  จะ วัณโณ  จะ                     ยะโส  กิตติ  สุขัง  พะลัง
 อัคคัสสะ  ทาตา เมธาวี                           อัคคะธัมมะสะมาหิโต
เทวะภูโต  มะนุสโส  วา                           อัคคัปปัตโต  ปะโมทะตีติ  ฯ

สีสุทเทสะปาฐะ
        ภาสิตะมิทัง  เตนะ  ภะตะวะตา  ชานะตา ปัสสะตา  อะระหะตา
สัมมาสัมพุทเธนะ  สัมปันนะสีลา  ภิกขะเว  วิหะระถะ  สัมปันนะปาฏิ-
โมกขา  ปาฏิโมกขะสังวะระสังวุตา  วิหะระถะ  อาจาระโคจะระสัมปันนา
อะณุมัตเตสุ  วัชเชสุ  ภะยะทัสสาวี  สะมาทายะ   สิกขะถะ  สิกขา-
ปะเทสูติ  ฯ ตัสมาติหัมเหหิ  สิกขิตัพพัง  สัมปันนะสีลา วิหะริสสามะ
สัมปันนะปาฏิโมกขา ปาฏิโมกขะสังวะระสังวุตา วิหะริสสามะ อาจา-
ระโคจะระสัมปันนา  อะณุมัตเตสุ วัชเชสุ  ภะยะทัสสาวี  สะมาทายะ
สิกขิสสามะ  สิกขาปะเทสูติ  ฯ  เอวัญหิ  โน สิกขิตัพพัง ฯ

                                         ตายะนะคาถา
        ฉินทะ  โสตัง  ปะรักกัมมะ                   กาเม  ปะนูทะ  พราหมะณะ
        นัปปะหายะ  มุนิ  กาเม                        เนกัตตะมูปะปัชชะติ
        กะยิรา เจ  กะยิราเถนัง                         ทัฬหะเมนัง  ปะรักกะเม
        สิถิโล  หิ ปะริพพาโช                            ภิยโย  อากิระเต  ระชัง
        อะกะตัง  ทุกกะฏัง เสยโย                     ปัจฉา ตัปปะติ  ทุกกะฏัง
        กะตัญจะ  สุกะตัง  เสยโย                      ยัง  กัตวา  นานุตัปปะติ
        กุโส ยะถา  ทุคคะหิโต                           หัตถะเมวานุกันตะติ
        สามัญญัง  ทุปปะรามัตถัง                     นิระยายูปะกัฑฒะติ
        ยังกิญจิ  สิถิลัง  กัมมัง                            สังกิลิฏฐัญจะ  ยัง  วะตัง
        สังกัสสะรัง  พรัมหะจะริยัง                      นะ ตัง โหติ  มะหัปผะลันติ ฯ

โมกขุปายะคาถา

สัพพะวัตถุตตะมัง  นัตตะวา        พุทธะธัมมะคะณัตตะยัง

เชคุจฉะกายะมัจจานัง               โมกขุปายัง  วะทามิหัง.

ปาฏิโมกขัง  ปูเรตัพพัง              อะโถ  อินทะริยะสังวะโร,

อาชีวัสสะ  อะโถ  สุทธิ             อะโถ  ปัจจะยะนิสสิตัง

จาตุปาริสุทธิสีลัง                    กาตัพพัง วะ สุนิมมะลัง.

การะณากะระเณเหวะ               ภิกขุนา  โมกขะเมสินา,

พุทธานุสสะติ เมตตา จะ          อะสุภัง  มะระณัสสะติ

อิจจิมา  จะตุรารักขา               กาตัพพา จะ วิปัสสะนา

วิสุทธะธัมมะสันตาโน              อะนุตตะรายะ  โพธิยา,

โยคะโต  จะ ปะโพธา จะ          พุทโธ  พุทโธติ  ญายะเต.

นะรานะระติรัจฉานะ                เภทา  สัตตา  สุเขสิโน.

สัพเพปิ สุขิโน โหนตุ              สุขิตัตตา  จะ เขมิโน

เกสะโลมาทิฉะวานัง               อะยะเมวะ  สะมุสสะโย,

กาโย  สัพโพปิ  เชคุจโฉ          วัณณาทิโต  ปะฏิกกุโล.

ชีวิตินทะริยุปัจเฉทะ                สังขาตะมะระณัง  สิยา,

สัพเพสังปีธะ  ปาณีนัง             ตัณหิ  ธุวัง นะ ชีวิตัง.

อะวิชชาทีหี  สัมภูตา              รูปัญจะ  เวทะนา  ตะถา,

อะโถ สัญญา จะ สังขารา        วิญญาณัญจาติ  ปัญจิเม.

อุปปัชชันติ  นิรุชฌันติ            เอวัง  หุตตะวา  อะภาวะโต,

เอเต  ธัมมา อะนิจจาถะ         ตาวะกาลิกะตาทิโต,

ปุนัปปุนัง  ปีฬีตัตตา              อุปปาเทนะ  วะเยนะ จะ,

เต ทุกขา  วะ  อะนิจจา เย      อะถะ  สันตัตตะตาทิโต.

วะเส  อะวัตตะนาเยวะ            อัตตะวิปักขะภาวะโต

สุญญัตตัสสามิกัตตา จะ         เต อะนัตตาติ  ญายะเร

เอวัง  สันเต จะ เต ธัมมา       นิพพินทิตัพพะภาวะโต,

ทัฑฒะเคหะสะมาเยวะ           อะลัง  โมกขัง คะเวสิตุง.

ปัญจักขันธะมิมัง  ทุกขัง        ตัณหา  สะมุทะโย  ภะเว,

ตัสสา นิโรโธ  นิพพานัง        มัคโค  อัฏฐังคิการิโย

เอตะกานังปิ  ปาฐานัง          อัตถังญัตตะวายะถาระหัง,

ปะฏิปัชเชถะ  เมธาวี            ปัตตุง สังขาระนิพพุตินติฯ

ขี้น/แรม ๑๑ ค่ำ

ธัมมะสังคิณีมาติกา

.........กุสะลา ธัมมา อะกุสะลา ธัมมา อัพยากะตา ธัมมา ฯ
..........สุ ขายะ เวทะนายะ สัมปะยุตตา ธัมมา ทุกขายะ เวทะนายะ
สัมปะยุตตา ธัมมา อะทุกขะมะสุ ขายะ เวทะนายะ สัมปะยุ ตตา
ธัมมา ฯ
..........วิปากา ธัมมา วิปากะธัมมะธั มมา เนวะวิปากะนะวิปากะ-
ธัมมะธัมมา ฯ
..........อุปาทินนุปาทานิยา ธัมมา อะนุปาทินนุ ปาทานิ ยา ธั มมา
อะนุปาทินนานุปาทานิยา ธัมมา ฯ
..........สังกิลิฏฐะสังกิเลสิกา ธัมมา อะสังกิลิฏฐะสั งกิเลสิกา ธัมมา
อะสังกิลิฏฐาสังกิเลสิกา ธัมมา ฯ
..........สะวิตั กกะสะวิจารา ธัมมา อะวิตักกะวิจาระมัตตา ธั มมา
อะวิตักกาวิจารา ธัมมา ฯ
..........ปีติ สะหะคะตา ธั มมา สุขะสะหะคะตา ธั มมา อุ เปกขา-
สะหะคะตา ธัมมา ฯ
......ทัสสะเนนะ ปะหาตั พพา ธั มมา ภาวะนายะ ปะหาตัพพา
ธัมมา เนวะทัสสะเนนะ นะภาวะนายะ ปะหาตัพพา ธัมมา ฯ
..........ทัสสะเนนะ ปะหาตั พพะเหตุกา ธัมมา ภาวะนายะ-
ปะหาตัพพะเหตุ กา ธัมมา เนวะทัสสะเนนะ นะภาวะนายะ-
ปะหาตัพพะเหตุกา ธัมมา ฯ
..........อาจะยะคามิโน ธัมมา อะปะจะยะคามิโน ธัมมา
เนวาจะยะคามิโน นาปะจะยะคามิโน ธัมมา ฯ
..........เสกขา ธัมมา อะเสกขา ธัมมา เนวะเสกขานาเสกขา ธัมมา ฯ
..........ปะริตตา ธัมมา มะหัคคะตา ธัมมา อัปปะมาณา ธัมมา ฯ
..........ปะริ ตตารัมมะณา ธัมมา มะหั คคะตารัมมะณา ธัมมา
อัปปะมาณารัมมะณา ธัมมา ฯ
..........หีนา ธัมมา มัชฌิมา ธัมมา ปะณีตา ธัมมา ฯ
..........มิจฉัตตะนิยะตา ธัมมา สัมมัตตะนิยะตา ธัมมา อะนิยะตา
ธัมมา ฯ
..........มัคคารั มมะณา ธัมมา มัคคะเหตุกา ธัมมา มัคคาธิปะติ โน
ธัมมา ฯ
..........อุปปันนา ธัมมา อะนุปปันนา ธัมมา อุปปาทิโน ธัมมา ฯ
..........อะตีตา ธัมมา อะนาคะตา ธัมมา ปัจจุปปันนา ธัมมา ฯ
..........อะตี ตารัมมะณา ธัมมา อะนาคะตา รั มมะณา ธัมมา
ปัจจุปปันนารัมมะณา ธัมมา ฯ
..........อัชฌัตตา ธัมมา พะหิทธา ธัมมา อัชฌัตตะพะหิทธา ธัมมา ฯ
..........อัชฌัตตารั มมะณา ธั มมา พะหิทธารัมมะณา ธัมมา
อัชฌัตตะพะหิทธารัมมะณา ธัมมา ฯ
..........สะนิทัสสะนะสัปปะฏิฆา ธัมมา อะนิทั สสะนะสัปปะฏิฆา
ธัมมา อะนิทัสสะนาปปะฏิฆา ธัมมา ฯ

วิปัสสนาภูมิปาฐะ

ปัญจักขันธา, รูปักขันโธ, เวทะนากขันโธ, สังญากขันโธ, สังขารักขันโธ, วิญญาณักขันโธ, ทฺวาทะสายะตะนานิ ฯ. จักขฺวายะตะนัง รูปายะตะนัง, โสตายะตะนัง สัททายะตะนัง, ฆานายะตะนัง คันธายะตะนัง, ขิวหายะตะนัง ระสายะตะนัง, กายายะตะนัง โผฏฐัพพายะตะนัง. มะนายะตะนัง ธัมมายะตะนัง ฯ

อัฏฐาระสะ ธาตุโย ฯ จักขุธาตุ รูปะธาตุ จักชุวิญญาณะธาตุ, โสตะธาตุ สัททะธาตุ โสตะวิญญาณธาตุ, ฆานะธาตุ คันธะธาตุ ฆานะวิญญาณะธาตุ, ชิวหาธาตุ ระสะธาตุ ชิวหาวิญญาณะธาตุ, กายะธาตุ โผฏฐัพพะธาตุ กายะวิญญาณะธาตุ, มะโนธาตุ ธัมมะธาตุ มะโนวิญญาณะธาตุ ฯ

พาวีสะตินทฺริยานิ ฯ จักขุนทฺริยัง โสตินทฺริยัง ฆานินทฺริยัง ชิวหินทฺริยัง กายินทฺริยัง มะนินทฺริยัง, อิตถินทฺริยัง ปุริสินทฺริยัง ชีวิตินทฺริยัง, สุขินทฺริยัง ทุกขินทฺริยัง โสมนัสสินทฺริยัง โทมะนัสสินทฺริยัง อุเปกขินทฺริยัง, สัทธินทฺริยัง วิริยินทฺริยัง สะตินทฺริยัง สะมาธินทฺริยัง ปัญญินทฺริยัง, อะนัญญะตัญญัสสามีตินทฺริยัง อิญญินทฺริยัง อัญญาตาวินทฺริยัง ฯ

จัตตาริ อะริยะสัจจานิ ฯ ทุกขัง อะริยะสัจจัง, ทุกขะสะมุทะโย อะริยะสัจจัง, ทุกขะนิโรโธ อะริยะสัจจัง, ทุกขะนิโรธะคามินี ปะฏิปะทา อะริยะสัจจัง ฯ

อะวิชชาปัจจะยา สังขารา, สังขาระปัจจะยา วิญญาณัง, วิญญาณะปัจจะยา นามะรูปัง, นามะรูปะปัจจะยา สะฬายะตะนัง, สะฬายะตะนะปัจจะยา ผัสโส, ผัสสะปัจจะยา เวทะนา, เวทะนาปัจจะยา ตัณหา, ตัณหาปัจจะยา อุปาทานัง, อุปาทานะปัจจะยา ภะโว, ภะวะปัจจะยา ชาติ, ชาติปัจจะยา ชะรามะระณัง โสกะปะริเทวะทุกขะโทมะนัสสุปายาสา สัมภะวันติ ฯ เอวะเมตัสสะเกวะลัสสะ ทุกขักขันธัสสะ, สะมุทะโย โหติ ฯ

อะวิชชายะเตฺววะ อะเสสะวิราคะนิโรธา สังขาระนิโรโธ, สังขาระนิโรธา วิญญาณะนิโนโธ, วิญญาณะนิโนธา นามะรูปะนิโรโธ, นามะรูปะนิโรธา สะฬายะตะนะนิโรโธ, สะฬายะตะนะนิโรธา ผัสสะนิโรโธ, ผัสสะนิโรธา เวทะนานิโรโธ, เวทะนานิโรธา ตัณหานิโรโธ, ตัณหานิโรธา อุปาทานะนิโรโธ, อุปาทานะนิโรธา ภะวะนิโรโธ, ภะวะนิโรธา ชาตินิโรโธ, ชาตินิโรธา ชะรามะระณัง โสกะปะริเทวะทุกขะโทมะนัสสุปายาสา นิรุชฌันติ ฯ เอวะเมตัสสะ เกวะลัสสะ ทุกขักขันธัสสะ, นิโรโธ โหติ ฯ

ปัฏฐานมาติกาปาฐะ

เหตุปัจจะโย อารัมมะณะปัจจะโย อะธิปะติปัจจะโย อะนันตะระปัจจะโย สะมะนันตะระปัจจะโย สะหะชาตะปัจจะโย อัญญะมัญญะปัจจะโย นิสสะยะปัจจะโย อุปะนิสสะยะปัจจะโย ปุเรชาตะปัจจะโย ปัจฉาชาตะปัจจะโย อาเสวะนะปัจจะโย กัมมะปัจจะโย วิปากะปัจจะโย อาหาระปัจจะโย อินทริยะปัจจะโย ฌานะปัจจะโย มัคคะปัจจะโย สัมปะยุตตะปัจจะโย วิปปะยุตตะปัจจะโย อัตถิปัจจะโย นัตถิปัจจะโย วิคะตะปัจจะโย อะวิคะตะปัจจะโย ฯ

พุทธะชะยะมังคะละคาถา

พาหุงสะหัส สะมะภินิมมิตะสาวุธันตัง
ครีเมขะลัง อุทิตะโฆ ระสะเสนะมารัง
ทานาทิธัมมะวิธินา ชิตะวา มุนินโท
ตันเตชะสา ภะวะตุ เต ชะยะมังคะลานิ

มาราติเร กะมะภิยุชฌิตะสัพพะรัตติง
โฆรัมปะนาฬะวะกะมักขะมะถัทธะยักขัง
ขันตีสุทันตะวิธินา ชิตะวา มุนินโท
ตันเตชะสา ภะวะตุ เต ชะยะมังคะลานิ

นาฬาคิริง คะชะวะรัง อะติมัตตะภูตัง
ทาวัคคิจักกะมะสะนีวะ สุทารุณันตัง
เมตตัมพุเสกะวิธินา ชิตะวา มุนินโท
ตันเตชะสา ภะวะตุ เต ชะยะมังคะลานิ

อุกขิตตะขัคคะมะติหัตถะสุทารุณันตัง
ธาวันติโยชะนะปะถังคุลิมาละวันตัง
อิทธีภิสังขะตะมะโน ชิตะวา มุนินโท
ตันเตชะสา ภะวะตุ เต ชะยะมังคะลานิ

กัตตะวานะ กัฏฐะมุทะรัง อิวะ คัพภินียา
จิญจายะ ทุฏฐะวะจะนัง ชะยะกายะมัชเฌ
สันเตนะ โสมะวิธินา ชิตะวา มุนินโท
ตันเตชะสา ภะวะตุ เต ชะยะมังคะลานิ

สัจจัง วิหายะ มะติสัจจะกาวาทะเกตุง
วาทาภิโรปิตะมะนัง อะติอันธะภูตัง
ปัญญาปะทีปะชะลิโต ชิตะวา มุนินโท
ตันเตชะสา ภะวะตุ เต ชะยะมังคะลานิ

นันโทปะนันทะภุชะคัง วิพุธัง มะหิทธิง
ปุตเตนะ เถระภุชะเคนะ ทะมาปะยันโต
อิทธูปะเทสะวิธินา ชิตะวา มุนินโท
ตันเตชะสา ภะวะตุ เต ชะยะมังคะลานิ

ทุคคาหะทิฏฐิภุชะเคนะ สุทัฏฐะหัตถัง
พรัหมัง วิสุทธิชุติมิทธิพะกาภิธานัง
ญาณาคะเทนะ วิธินา ชิตะวา มุนินโท
ตันเตชะสา ภะวะตุ เต ชะยะมังคะลานิ

เอตาปิ พุทธะชะยะมังคะละอัฉฐะคาถา โย
วาจะโน ทินะทิเน สะระเต มะตันที
หิตวานะเนกะวิวิธานิ จุปัททะวานิ
โมกขัง สุขัง อะธิคะเมยยะ นะโร สะปัญโญ

ขึ้น/แรม ๑๐ ค่ำ

อภิณหปัจจเวกขณปาฐะ

อัตถิ โข เตนะ ภะคะวะตา ชานะตา ปัสสะตา อะระหะตา สัมมาสัมพุทเธนะ, ปัญจะ ฐานานิ สัมมะทักขาตานิ, ยานิ อะภิณหัง ปัจจะเวกขิตัพพานิ, อิตถิยา วา ปุริเสนะ วา คะหัฎเฐนะ วา ปัพพะชิเตนะ วา, กะตะมานิ ปัญจะ,

ชะราธัมโมมหิ ชะรัง อะนะตีโตติ, อะภิณหัง ปัจจะเวกขิตัพพัง, อิตถิยา วา ปุริเสนะ วา คะหัฎเฐนะ วา ปัพพะชิเตนะ วา,
พ๎ยาธิธัมโมมหิ พ๎ยาธิง อะนะตีโตติ, อะภิณหัง ปัจจะเวกขิตัพพัง, อิตถิยา วา ปุริเสนะ วา คะหัฎเฐนะ วา ปัพพะชิเตนะ วา,
มะระณะธัมโมมหิ มะระณัง อะนะตีโตติ, อะภิณหัง ปัจจะเวกขิตัพพัง, อิตถิยา วา ปุริเสนะ วา คะหัฎเฐนะ วา ปัพพะชิเตนะ วา,
สัพเพหิ เม ปิเยหิ มะนาเปหิ นานาภาโว วินาภาโวติ, อะภิณหัง ปัจจะเวกขิตัพพัง, อิตถิยา วา ปุริเสนะ วา คะหัฎเฐนะ วา ปัพพะชิเตนะ วา,
กัมมัสสะโกมหิ กัมมะทายาโท กัมมะโยนิ กัมมะพันธุ กัมมะปะฏิสะระโณ, ยัง กัมมัง กะริสสามิ กัลยาณัง วา ปาปะกัง วา ตัสสะ ทายาโท ภะวิสสามีติ, อะภิณหัง ปัจจะเวกขิตัพพัง, อิตถิยา วา ปุริเสนะ วา คะหัฎเฐนะ วา ปัพพะชิเตนะ วา,

อิมานิ โข เตนะ ภะคะวะตา ชานะตา ปัสสะตา อะระหะตา สัมมาสัมพุทเธนะ, ปัญจะ ฐานานิ สัมมะทักขาตานิ, ยานิ อะภิณหัง ปัจจะเวกขิตัพพานิ, อิตถิยา วา ปุริเสนะ วา คะหัฎเฐนะ วา ปัพพะชิเตนะ วา,

ตัสสมาติหัมเหหิ เอวัง อะภิณหัง ปัจจะเวกขิตัพพัง, ชะราธัมโมมหิ ชะรัง อะนะตีโต, พ๎ยาธิธัมโมมหิ พ๎ยาธิง อะนะตีโต, มะระณะธัมโมมหิ มะระณัง อะนะตีโต, สัพเพหิ เม ปิเยหิ มะนาเปหิ นานาภาโว วินาภาโว, กัมมัสสะโกมหิ กัมมะทายาโท กัมมะโยนิ กัมมะพันธุ กัมมะปะฏิสะระโณ, ยัง กัมมัง กะริสสามิ กัลยาณัง วา ปาปะกัง วา ตัสสะ ทายาโท ภะวิสสามีติ, ตะโต อุตตะริงปิ ปัจจะเวกขิตัพพัง,

 นะ โข ปะนาหะเมวะ, ชะราธัมโมมหิ ชะรัง อะนะตีโต, ตัง กุเตตถะ ลัพพา,
 นะ โข ปะนาหะเมวะ, พ๎ยาธิธัมโมมหิ พ๎ยาธิง อะนะตีโต, ตัง กุเตตถะ ลัพพา,
นะ โข ปะนาหะเมวะ, มะระณะธัมโมมหิ มะระณัง อะนะตีโต, ตัง กุเตตถะ ลัพพา,
นะ โข ปะนาหะเมวะ, สัพเพหิ เม ปิเยหิ มะนาเปหิ นานาภาโว วินาภาโว, ตัง กุเตตถะ ลัพพา,
นะ โข ปะนาหะเมวะ, กัมมัสสะโกมหิ กัมมะทายาโท กัมมะโยนิ กัมมะพันธุ กัมมะปะฏิสะระโณ, ยัง กัมมัง กะริสสามิ กัลยาณัง วา ปาปะกัง วา ตัสสะ ทายาโท ภะวิสสันติ, ตัง กุเตตถะ ลัพพาติ

สาราณียธรรมสูตร

เอวัม เม สุตัง,                              
เอกัง สะมะยัง ภะคะวา,  
สาวัตถิยัง วิหะระติ,  
เชตะวะเน อะนาถะปิณฑิกัสสะ ,อาราเม.
ตัตฺระ โข ภะคะวา ภิกขู    
อามันเตสิ ภิกขะโวติ.
ภะทันเตติ เต ภิกขู                              
ภะคะวะโต ปัจจัสโสสุง,          
ภะคะวา เอตะทะโวจะ,    
ฉะยิเม ภิกขะเว ธัมมา สาราณียา
ปิยะกะระณา คะรุกะระณา,
สังคะหายะ อะวิวาทายะ สามัคคิยา
เอกีภาวายะ สังวัตตันติ,      
กะตะเม ฉะ?                        
1 อิธะ ภิกขะเว ภิกขุโน,  
เมตตัง กายะกัมมัง ปัจจุปัฏฐิตัง โหติ,
สะพฺรัมหฺมะจารีสุ  อาวิ เจวะ ระโห จะ,  
อะยัมปิ ธัมโม สาราณีโย ปิยะกะระโณ  
คะรุกะระโณ          
เอกีภาวายะ สังวัตตะติ.      
2 ปุนะ จะปะรัง ภิกขะเว ภิกขุโน,
เมตตัง วะจีกัมมัง ปัจจุปัฏฐิตัง โหติ,
สะพฺรัหฺมะจารีสุ อาวิ เจวะ ระโห จะ,
อะยัมปิ ธัมโม สาราณีโย ปิยะกะระโณ  
คะรุกะระโณ          
สังคะหายะ อะวิวาทายะ สมามัคคิยา            
เอกีภาวายะ สังวัตตะติ.    
3  ปุนะ จะปะรัง ภิกขะเว ภิกขุโน,  
เมตตัง มะโนกัมมัง ปัจจุปัฏฐิตัง โหติ,
สะพฺรัหฺมะจารีสุ อาวิ เจวะ ระโห จะ,
อะยัมปิ ธัมโม สาราณีโย ปิยะกะระโณ
คะรุกะระโณ          
สังคะหายะ อะวิวาทายะ สมามัคคิยา        
เอกีภาวายะ สังวัตตะติ.  
4 ปุนะ จะปะรัง ภิกขะเว ภิกขุโน,
เย เต ลาภา ธัมมิกา ธัมมะลัทธา,
อันตะมะโส ปัตตะปะริยาปันนานะมัตตัมปิ,
ตะถารูเปหิ ลาเภหิ อัปปะฏิวิภัตตะโภคี โหติ,
สีละวันเตหิ สะพฺรัหฺมะจารีหิ
สาธาระณะโภคี,
สะพฺรัหฺมะจารีสุ อาวิ เจวะ ระโห จะ,
อะยัมปิ ธัมโม สาราณีโย ปิยะกะระโณ            
คะรุกะระโณ    
สังคะหายะ อะวิวาทายะ สมามัคคิยา          
เอกีภาวายะ สังวัตตะติ.      
5 ปุนะ จะปะรัง ภิกขะเว ภิกขุโน,
ยานิ ตานิ สีลานิ อะขัณฑานิ อะฉิททนิ      
อะสะพะลานิ อะกัมมาสานิ,      
ภุชิสสานิ วิญญูปะสัตถานิ
อะปะรามัฏฐานิ สะมาธิสังวัตตะนิกานิ,
ตะถารูเปสุ สีเลสุ สีละสามัญญะคะโต
วิหะระติ,                        
สะพฺรัหฺมะจารีสุ อาวิ เจวะ ระโห จะ,
อะยัมปิ ธัมโม สาราณีโย ปิยะกะระโณ  
คะรุกะระโณ        
สังคะหายะ อะวิวาทายะ สมามัคคิยา        
เอกีภาวายะ สังวัตตะติ.        
6 ปุนะ จะปะรัง ภิกขะเว ภิกขุโน,
ยายัง อะริยา นิยยานิกามมีทิฏฐิ
นิยาติ ตักกะรัสสะ สัมมาทุกขักขะยายะ,
ตถารูปายะ ทิฏฐิยา ทิฏฐิสามัญญะคะโต  
วิหะระติ,                              
สะพฺรัหฺมะจารีสุ อาวิ เจวะ ระโห จะ,
อะยัมปิ ธัมโม สาราณีโย ปิยะกะระโณ
คะรุกะระโณ            
สังคะหายะ อะวิวาทายะ สมามัคคิยา        
เอกีภาวายะ สังวัตตะติ.        
อิเม โข ภิกขะเว ฉะ ธัมมา สาราณียา
ปิยะกะระณา คะรุกะระณา,      
สังคะหายะ อะวิวาทายะ สามัคคิยา
เอกีภาวายะ สังวัตตันตีติ.          
อิทะมะโวจะ ภะคะวา,            
อัตตะมานา เต ภิกขู ภะคะวะโต ภาสิตัง,        
อภินันทุนติ .                

ปะหานะภาวนาสุตตัง

เอวัม เม สุตัง,                              
เอกัง สะมะยัง ภะคะวา,  
สาวัตถิยัง วิหะระติ,  
เชตะวะเน อะนาถะปิณฑิกัสสะ ,อาราเม.
ตัตฺระ โข ภะคะวา ภิกขู    
อามันเตสิ ภิกขะโวติ.
ภะทันเตติ เต ภิกขู                              
ภะคะวะโต ปัจจัสโสสุง,          
ภะคะวา เอตะทะโวจะ,
อะกุสะลัง ภิกขะเว ปะชะหะถะ, สักกา ภิกขะเว อะกุสะลัง ปะชะหิตุง, โน เจตัง ภิกขะเว สักกา อะภะวิสะ อะกุสะลัง ปะชะหิตุง, นาหัง เอวัง วะเทยยัง, อะกุสะลัง ภิกขะเว ปะชะหะถาติ, ยัสสะมา จะ โข ภิกขะเว สักกา อะกุสะลัง ปะชะหิตุง, ตัสสะมาหัง เอวัง วะทามิ, อะกุสะลัง ภิกขะเว ปะชะหิตุง, ตัสสะมาหัง เอวัง วะทามิ, อะกุสะลัง ภิกขะเว ปะชะหะถาติ, อะกุสะลัญจะหิทัง ภืกขะเว ปะหีนัง, อะหิตายะ ทุกขายะ สังวัตเตยยะ, นาหัง เอวัง วะเทยยัง, อะกุสะลัง ภิกขะเว ปะชะหะถาติ, ยัสมา จะ โข ภิกขะเว อะกุสะลัง ปะหีนัง, หิตายะ สุขายะ สังวัตตะติ, ตัสสะมาหัง เอวัง วะทามิ, อะกุสะลัง ภิกขะเว ปะชะหะถาติ,

  กุสะลัง ภิกขะเว ภาเวถะ, สักกา ภิกขะเว กุสะลัง ภาเวตุง, โน เจตัง ภิกขะเว สักกา อะภะวิสะ กุสะลัง ภาเวตุง, นาหัง เอวัง วะเทยยัง, กุสะลัง ภิกขะเว ภาเวถาติ, ยัสสะมา จะ โข ภิกขะเว สักกา กุสะลัง ภาเวตุง, ตัสสะมาหัง เอวัง วะทามิ, กุสะลัง ภิกขะเว ภาเวถาติ, กุสะลัญจะหิทัง ภืกขะเว ภาวิตัง, อะหิตายะ ทุกขายะ สังวัตเตยยะ, นาหัง เอวัง วะเทยยัง, กุสะลัง ภิกขะเว ภาเวถาติ, ยัสสะมา จะ โข ภิกขะเว กุสะลัง ภาวิตัง, หิตายะ สุขายะ สังวัตตะติ, ตัสสะมาหัง เอวัง วะทามิ, กุสะลัง ภิกขะเว ภาเวถาติ,
อิทะมะโวจะ ภะคะวา, อัตตะมะนา เต ภิกขู ภะคะวะโต ภาสิตัง, อะภินันทุนติ.

ขึ้น/แรม ๙ ค่ำ

สะติปัฏฐานะปาโฐ

..........อัตถิ โข เตนะ ภะคะวะตา ชานะตา ปัสสะตา อะระหะตา
สัมมาสั มพุทเธนะ เอกายะโน อะยัง มัคโค สั มมะทักขาโต
สั ตตานั ง วิ สุทธิ ยา โสกะปะริเทวานั ง. สะมะติ กกะมายะ
ทุ กขะโทมะนั สสานัง อั ตถังคะมายะ ญายัสสะ อะธิคะมายะ
นิ พพานั สสะ สัจฉิ กิริยายะ ยะทิทัง จัตตาโร สะติ ปั ฏฐานา,
กะตะเม จัตตาโร.
..........อิธะ ภิกขุ กาเย กายานุปั สสี วิหะระติ อาตาปี สัมปะชาโน
สะติ มา วิ เนยยะ โลเก อะภิ ชฌาโทมะนัสสัง. เวทะนาสุ
เวทะนานุปัสสี วิหะระติ อาตาปี สัมปะชาโน สะติมา วิเนยยะ
โลเก อะภิชฌาโทมะนัสสัง. จิตเต จิตตานุปัสสี วิหะระติ อาตาปี
สัมปะชาโน สะติมา วิเนยยะ โลเก อะภิชฌาโทมะนัสสัง. ธัมเมสุ
ธัมมานุปัสสี วิหะระติ อาตาปี สัมปะชาโน สะติมา วิ เนยยะ
โลเก อะภิชฌาโทมะนัสสัง.
..........กะถัญจะ ภิกขุ กาเย กายานุปัสสี วิหะระติ. อิธะ ภิกขุ อัชฌัตตัง
วา กาเย กายานุปัสสี วิ หะระติ พะหิทธา วา กาเย กายานุปัสสี
วิ หะระติ. อัชฌัตตะพะหิทธา วา กาเย กายานุปัสสี วิหะระติ
สะมุทะยะธัมมานุ ปัสสี วา กายัส๎มิง วิหะระติ วะยะธั มมานุปัสสี
วา กายัส๎มิง วิหะระติ สะมุทะยะวะยะธัมมานุ ปัสสี วา กายัส๎มิง
วิ หะระติ อัตถิ กาโยติ วา ปะนัสสะ สะติ ปัจจุ ปั ฏฐิตา โหติ
ยาวะเทวะญาณะมัตตายะ ปะฏิสสะติมัตตายะ อะนิสสิโต
จะ วิ หะระติ นะจะ กิญจิ โลเก อุ ปาทิ ยะติ. เอวัง โข ภิ กขุ
กาเย กายานุปัสสี วิหะระติ.
..........กะถัญจะ ภิ กขุ เวทะนาสุ เวทะนานุปัสสี วิ หะระติ . อิ ธะ
ภิกขุ อัชฌัตตัง วา เวทะนาสุ เวทะนานุปัสสี วิหะระติ พะหิทธา วา
เวทะนาสุ เวทะนานุปัสสี วิ หะระติ. อัชฌั ตตะพะหิ ทธา วา
เวทะนาสุ เวทะนานุปั สสี วิหะระติ สะมุทะยะธัมมานุปัสสี วา
เวทะนาสุ วิหะระติ วะยะธัมมานุปัสสี วา เวทะนาสุ วิหะระติ
สะมุทะยะวะยะธัมมานุ ปัสสี วา เวทะนาสุ วิหะระติ อัตถิ
เวทะนาติ วา ปะนัสสะ สะติ ปัจจุปัฏฐิ ตา โหติ ยาวะเทวะ-
ญาณะมัตตายะ ปะฏิสสะติมัตตายะ อะนิ สสิโต จะ วิหะระติ
นะ จะ กิ ญจิ โลเก อุ ปาทิยะติ. เอวัง โข ภิกขุ เวทะนาสุ -
เวทะนานุปัสสี วิหะระติ.
..........กะถัญจะ ภิกขุ จิตเต จิตตานุปัสสี วิหะระติ. อิธะ ภิกขุ อัชฌัตตัง
วา จิตเต จิตตานุปัสสี วิหะระติ พะหิทธา วา จิตเต จิตตานุปัสสี
วิหะระติ . อัชฌั ตตะพะหิ ทธา วา จิ ตเต จิตตานุปัสสี วิหะระติ
สะมุทะยะธัมมานุปัสสี วา จิตตัส๎มิง วิหะระติ วะยะธัมมานุปัสสี
วา จิตตัส๎มิง วิหะระติ สะมุทะยะวะยะธัมมานุปัสสี วา จิตตัส๎มิง
วิหะระติ อัตถิ จิตตันติ วา ปะนั สสะ สะติ ปัจจุปัฏฐิตา โหติ
ยาวะเทวะ ญาณะมัตตายะ ปะฏิสสะติมัตตายะ อะนิสสิโต จะ
วิหะระติ นะจะ กิญจิ โลเก อุปาทิยะติ. เอวัง โข ภิกขุ จิตเต
จิตตานุปัสสี วิหะระติ.
..........กะถั ญจะ ภิกขุ ธัมเมสุ ธัมมานุปัสสี วิหะระติ. อิ ธะ ภิ กขุ
อัชฌัตตัง วา ธัมเมสุ ธัมมานุปัสสี วิหะระติ พะหิทธา วา ธัมเมสุ
ธัมมานุปัสสี วิหะระติ. อัชฌัตตะพะหิทธา วา ธัมเมสุ ธัมมานุปัสสี
วิ หะระติ . สะมุ ทะยะธัมมานุ ปัสสี วา ธัมเมสุ วิ หะระติ
วะยะธั มมานุปั สสี วา ธัมเมสุ วิหะระติ สะมุ ทะยะวะยะ-
ธัมมานุปัสสี วา ธัมเมสุ วิหะระติ อัตถิ ธัมมาติ วา ปะนัสสะ
สะติ ปั จจุ ปัฏฐิตา โหติ ยาวะเทวะ ญาณะมัตตายะ
ปะฏิสสะติมั ตตายะ อะนิสสิโต จะ วิหะระติ นะ จะ กิญจิ โลเก
อุปาทิยะติ. เอวัง โข ภิกขุ ธั มเมสุ ธัมมานุปัสสี วิหะระติ.
..........อะยั ง โข เตนะ ภะคะวะตา ชานะตา ปัสสะตา อะระหะตา
สัมมาสัมพุทเธนะ เอกายะโน มัคโค สัมมะทักขาโต สั ตตานัง
วิ สุทธิ ยา โสกะปะริเทวานั ง สะมะติ กกะมายะ ทุ กขะ-
โทมะนัสสานัง อัตถังคะมายะ ญายัสสะ อะธิคะมายะ
นิพพานัสสะ สัจฉิกิริยายะ ยะทิทัง จัตตาโร สะติปัฏฐานาติ.
    เอกายะนัง ชาติขะยันตะทัสสี, มัคคัง ปะชานาติ หิตานุกัมปี, เอเตนะ มัคเคนะ ตะริงสุ ปุพเพ, ตะริสสะเร เจวะ ตะรันติ โจฆันติ.